كشفت الفنانة "شيرين رضا" عن العديد من الأسرار وذلك لأول مرة عن حياتها الشخصية وتفاصيل وفاة والدها "محمود رضا" ، كما تحدثت عن رأيها في الزواج والرجال والخيانة .
أهم تصريحات الفنانة شيرين رضا
صرحت ( شيرين رضا) خلال لقائها أنها ابتعدت عن الفن 10 سنين بسبب بنتها لأن ليها الحق إنها تمنحها وقتها لأنها مختارتش تيجي الحياة ، والست الموظفة تقدر تروح الشغل وترجع تهتم بـ أولادها ، إنما هي بصور (16) ساعة وكان لازم تبعد عن الفن لأن بنتها أهم و10 سنين قليل عليها .
واصلت "شيرين رضا "كلامها
أحنا منقدرش نلوم حد اتجوز صغير،لأن طبيعي زمان كانوا بيتجوزوا 13سنة ويخلفوا 5 أطفال وهما 14 سنة ، لأن الحياة كانت مختلفة ، إنما دلوقتي لو واحدة خلفت وهي 14 سنة هتموت ، وأنا مش هتجوز لأن مفيش حد في حياتي أقدر أقول إني هتجوز ، لأن تقبل شخص في حياتك بعد فترة من الوحدة فكرة تحتاج قوة تحمل .
شيرين رضا و فيلم (في عز الضهر)
كما تنتظر الفنانة شيرين عرض فيلم (في عز الضهر) بطولة النجم العالمي المصري (مينا مسعود) ، والذي يعتبر أول فيلم مصري له ، من تأليف (كريم سرور) وإخراج (مرقس عادل) ويشارك في بطولته (إيمان العاصي) ، و الفنانة (جميلة عوض) ، و الفنان (محمد علي رزق) ، و الفنان(محمد عز) ، والفنانة (ساندرا) ، و الفنان(أحمد جمال سعيد) ، و الفنان (محمود حجازي ) ، والفنان (إيهاب فهمي) وعدد آخر من الفنانين وتدور أحداث الفيلم في إطار أكشن تشويقى ويجسد مسعود دور زعيم عصابة دولية .
شيرين رضا تتعاقد على فيلم "وش في وش"
وتعاقدت شيرين رضا مؤخرا على المشاركة ايضا في بطولة فيلم "وش في وش" ويشارك معها البطولة النجم (محمد ممدوح تايسون) و الفنانة (امينة خليل) ، والفنان (محمد شاهين) وعدد من الفنانين الآخرين، والفيلم من إخراج (خالد الحلفاوي) ، والذي من المقرر أن تبدأ تصويره في منتصف الشهر الجاري ، كما تفاضل الفنانة (شيرين رضا ) حالياً بين أكثر من سيناريو حتي تحدد وجهتها الدرامية الفترة المقبلة .
أبرز تصريحات شيرين رضا
وقد تصدرت الفنانة (شيرين رضا ) التريند محركات البحث الشهيرة مثل جوجل خلال الساعات القليلة الماضية وذلك بعد تصريحاتها المثيرة في الحلقة الخاصة في برنامج (ABtalks) والذي يقدمه الإعلامي (أنس بوخش) عبر قناته على موقع الفيديوهات الشهير يوتيوب .
وكانت من أبرز ما قالته الفنانة (شيرين رضا) خلال هذا اللقاء
اتجوزت صغيرة وخلفت صغيرة وده كان غلط لأني كنت طفلة
وهذا ما تم تداوله الأيام القليلة الماضية بعد برومو الحلقة ، وتابعت ايضا الحديث عن والدها قائلة
والدي كان 65 سنة وكان بيلعب أسكواش وبيجري وبيطلع السلالم، ومرة راح للدكتور وقاله بلاش رياضة أنت كبرت، وساعتها تعب وفضل في السرير، وأنا كنت بتمنى أنه يمشي تاني وميحسش أنه قاعد مش قادر ياكل ولا يشرب وكنت سعيدة لما مات ، لأنه أرتاح ومتعذبش أكتر ، وأكيد بيوحشني ولكني بحتفل بـ كل لحظة عشتها معاه.
آخر أعمال شيرين رضا
قد ذكر أن آخر أعمال الفنانة شيرين رضا هو مسلسل (وبينا ميعاد) والذي تصدر التريند وحقق نجاحاً كبيراً منذ عرض أولى حلقاته وتفاعل الجمهور معه والمشاهدين ومع شخصياته ، وكان بطولة الفنانة (شيرين رضا) وشاركها البطولة الفنان (صبري فواز) ، والفنانة(بسمة) ، والفنان (مدحت صالح) ، (وفاء صادق) ، (خالد أنور) ، (محمد سليمان) ، ومن تأليف وإخراج (هاني كمال) .
الخيانة
اتجهت شيرين رضا في الحديث عن الخيانة قائلة
أحنا اللي عودنا الراجل يخون لحد ما بقى يعتبر الخيانة حق من حقوقه ، ولازم الستات يحكموا العالم لأنهم مش بيدمروا أي شيء إنما الراجل عايز يكون أجمد واحد ، وأحنا في المجتمع العربي بقينا بنحلف لأننا كذابين ، وبتمنى الناس يبطلوا يحلفوا ، ولو أقدر أعلم الناس حاجة هتكون الصدق والصراحة.
ملخص تصريحات الفنانة ىشيرين
- والدي قالي وأنا صغيرة أنتي حلوة أوي وده هيسبب لك مشاكل كتيرة
- اكتشفت إن لما بتكون صغير في السن مبتفكرش في اللي هيحصل .
- لما كبرت فهمت إن الجمال بيخلي الستات هتغير والرجالة هتحاول تقرب منك.
- الجمال ليه تمن لازم تدفعه ومينفعش تعتمد عليه عشان تلاقي حياة أفضل.
- الجيل الجديد مش هايتجوز لأن المسؤوليات كترت أوي.
- العرب معظمهم كذابين عشان كدا بنضطر نحلف بنكذب باسم ربنا
- كنت فرحانة لما أبويا توفي، لأنه آخر فترة في حياته كان عيان جدًا وأنا كنت زعلانة عشانه.
- أنا بيوحشني أبويا اللي كان موجود، بس مش فترة المرض والتعب بتاعه.
- زواجي الأول في سن مبكر غلطة.
- الصداقة بين الرجل والمرأة أقيم من الزواج الذي غالبا ما ينتهي بالطلاق أو الانفصال.
- يوم وفاتي لا اريد عزاء، اريد حفلة احتفلوا بي
