حيث كشف الفنان عصام عمر ، عن قصة كفاحه قبل بطولة مسلسل «بالطو» ، وقد أكد أنه هاجر إلى الولايات المتحدة الأمريكية ، حيث عانى كثيرًا في مشواره من العمل ككومبارس وحتي العمل في بطولة منفردة .
عصام عمر و دور البطولة في مسلسل بالطو
حيث قال الفنان عصام عمر في لقاءه التلفزيوني ، إنه رفض دور البطولة في مسلسل بالطو ، وذلك حينما عرض عليه لأول مرة ، و قد أخبر المخرج أنه من الأفضل أختيار ممثل أكثر شهرة وموهبه منه ، حتى يضيف نجاح حقيقي للعمل.
و قد أضاف ايضاً الفنان عصام عمر خلال حواره في برنامج (معكم منى الشاذلي) على قناة (cbc) ، أن المخرج عمر المهندس قد تمسك به ، ورفض إسناد دور البطولة هذا لأي ممثل آخر ، وقال
في البداية مكنتش حابب إن أنا أعمل المسلسل ، مكنتش حابب ابقى بطل ولا أعمل ده دلوقت خالص ، مكنتش مقتنع وحاسس إن ممكن نجيب ممثل تاني أفضل ومشهور أكتر ، فهينفعهم .
تابع حواره قائلا
عمر صاحبي من زمان وأخويا، فمكنتش عاوز في أول تجربة ليه ألبسه في حيطة كنت عاوز ممثل جامد مشهور يبقى مكاني بحيث تجربة عمر تنجح لكن عمر قالي مش هعمله غير بيك وقد كان.
واختتم عصام عمر كلامه قائلا
الموضوع مش إني أكون بطل وخلاص، الموضوع هل هقدر اقدم حاجة تستاهل والي هتقدم لهم كبطل وهتبقى الناس بتضيع وقتها على حاجة مش محترماها ، كان نفسي ابقى بعمل حاجة حلوة بس.
وأضاف في لقائه ان أي حد محتاج يحقق حاجة لازم يتعب ، فأنا تعبت عشان أوصل للحاجة اللي أنا عايزهاوتابع
اشتغلت وعملت كاستينج هنا ، وبدأت أعمل إعلانات ثم توقفت عشان مبقاش محصور في مجال الإعلانات فقط ، وقتها مكنش معايا فلوس ، وقعدت فترة مش عارف أعيش كويس وأنا مبقدمش إعلانات لكن كنت بحاول تأهيل نفسي عشان أكون ممثل كويس.
وأستكمل
سافرت أمريكا مع الفرقة المسرحية اللي كنت شغال معاها وفي عامي (2016)(2017) ، قدمت على فيزا لأمريكا بالصدفة وحصلت عليها ومكنش معايا فلوس تذكرة أمريكا .
واستطرد
ولظروفي الملخبطة في القاهرة ، صديق لي دفع تذكرة أمريكا ، وقعدت عند صديق لي في أمريكا ، وملقتش شغل هناك ، فكانت فترة صعبة خصوصًا أنني كنت في رمضان وكنت عايز أسدد ديوني ، ومكنتش عايز أرجع القاهرة تاني لكن قلت لنفسي لو محققتش نفسي في مصر ، مش هعرف أحقق نفسي في أمريكا ، ورجعت مصر، وبدأت أحاول أدخل المجال الفني مرة تانية.